فيديو.. عمر كمال يكشف تفاصيل خلافه مع حسن شاكوش في ندوة بـ"الوطن"
"فين حقي الأدبي في نجاح بنت الجيران؟"
عمر كمال خلال ندوته في الوطن
كشف الفنان الصاعد عمر كمال، كواليس خلافه مع مغني المهرجانات حسن شاكوش، بسبب مهرجان "بنت الجيران"، الذي حقق نحو 85 مليون مُشاهدة عبر موقع الفيديوهات الشهير "يوتيوب".
وقال "كمال" خلال ندوته بـ"الوطن"، إنه وجه عتابًا لـ"شاكوش" بدافع الصداقة والعِشرة بينهما، إذ يستشعر بوقوع ظلم عليه: "إحنا الاتنين نجحنا في المهرجان، والأغنية طورت المهرجان المصري وجعلته موجودًا في المركز الأول على مستوى العالم.. ليه بيتم تجاهلي وتهميشي؟".
وتساءل عن أسباب اتجاه الأنظار ناحية "شاكوش" فقط، رغم نجاحهما سويًا في غناء المهرجان، وانتشار الكلمات بين الجمهور، قائلًا: "شاكوش يستحق، هو فنان كبير وأنا بحبه وشريك نجاح.. لكن فين أنا؟.. الموضوع مش غِيرة لكن ده حقي الأدبي".
وتابع: "الناس مش عارفة أنا عملت إيه في المهرجان المصري.. أنا بقعد في الاستديو ساعات طويلة وبتعب وأشارك في كل تفاصيل الأغنية"، مؤكدًا بقوله: "كان لازم أتكلم وأعبر إن أنا مستاء من الكلام ده.. قنوات ومواقع متوجهة ناحية شاكوش بس، طيب أنا فين، أنا شريك أساسي في نجاح المهرجان".
وأكد أنه لم يتقاض مليمًا واحدًا مقابل مُشاركته في المهرجان، قائلًا: "ما أخدتش منها قرش.. وعمري ما هطلب شاكوش بقرش.. ومش عاوز فلوس منها، ومش مستني مقابل.. أنا سؤالي فين حقي الأدبي".