السيسي: نفق الشهيد أحمد حمدي 2 كان حلم من 4 سنين
الرئيس عبد الفتاح السيسي
قاطع الرئيس عبدالفتاح السيسي، اللواء إيهاب الفار رئيس الهيئة الهندسية للقوات المسلحة، خلال استعراضه مشروع نفقد الشهيد أحمد حمدي 2، قائلا: "مدير شركة كونكرد وبتروجيت موجودين؟، أنا هفكركم لما خلصنا الأنفاق بتاعة بورسعيد والإسماعيلية قلتوا عاوزين نشغل الناس، مش كده يا كامل؟".
وأضاف الرئيس، خلال افتتاحه نفق الشهيد أحمد حمدي 2: "قلتوا إننا مش مخططين في المنظور اللي إحنا فيه ده إننا نشتغل في نفق الشهيد أحمد حمدي، لحد ما نقدر ندبر ومنضغطش على نفسنا، وأنا قلت وقتها، إلا إذا لو كان الكيلو برقم غير اللي انت بتقول عليه خالص".
وتابع: "في مقابل ده، عندنا مشروع الأنفاق أسفل مطار القاهرة 2 كيلو بنفس الماكينة، أنا بقول لو هتاخدوا بالرقم اللي أنا قلت عليه من الأول، عشان ناخد المشروع ده هديكم الـ2 كيلو دول".
وأردف: "لما جينا نعمل الأنفاق دي من 4 سنين، كان حلم إننا نعمله بأيادي مصرية ومكن مصري وتكلفة مرشدة، وبالتالي بقى في 4 شركات شغالين، إضافة إلى شركة المقاولون العرب وأوراسكوم، ولما قلنا الكلام ده كان بعيد علينا، واتقال خطر، اللي هي محاذير فنيات المشروع".