السيسي يهنئ خريجي الكليات العسكرية ويوجّه التحية للشهداء
الرئيس السيسي
هنأ الرئيس عبدالفتاح السيسي، الطلاب الخريجين من الكليات العسكرية وأسرهم قائلًا: «ألف مبروك للأسر وأبنائنا الضباط اللي اتخرجوا النهاردة، وتهنئتي من القلب لكل أسرة وشكري لكل أسرة قدمت وبتقدم من أسر مصر لصالح أمن وسلامة واستقرار مصر»، وتابع: «جنبا سلاح عشان أعرف أهنيكم انتوا وأسركم».
تهنئة من القلب لكل أسرة تقدم أبنائها لصالح أمن مصر
وأضاف رئيس الجمهورية، خلال كلمته في أثناء فعاليات حفل تخرج دفعات جديدة من طلاب الكليات العسكرية: «حريصين دايما في الأوقات الجميلة دي مننساش شهدائنا ومصابينا، اللي قدموا ولا زالوا بيقدموا لمصر، وده أمر طبيعي لأن المهمة المكلفة بيها القوات المسلحة والشرطة هي الحماية لمصر وشعبها».
تحية لكل الشهداء وأسرهم
وتابع الرئيس السيسي: «تحية لكل الشهداء وأسرهم تحية لهم جميعًا، بقول لأسر الخريجين مبروك، بعد فترة إعداد وجهد في الكلية، بس دي مرحلة جديدة خالص انتوا هتبقوا مسؤولين عن رجال وعن أنفسكم ودي مسؤولية كبيرة جدا، أنت مسؤول عن إعداد وتجهيز وتوعية اللي معاك».