أنا السورى
أنا السورى
صلاة تراويحى ع الدانة
وجمبى سلاحى كلاشينكوف
وحنة لقمة غلبانة
تخلى الكف فيا كفوف
تعالى وشوف
بطلقة بندقة محطم
جبال الخوف
وأمة طه من مكة تطوف وتطوف
وتندهلى
أشوف ع الأرض ميت جثة
بتشبهلى
وروح إخواتى فى الجنة
تقولى ابشر
ده جه دورى
أنا السورى
صحيح صايم
لكن قايم
ومتوكل على الدايم
ماتعزمنيش على فطارك
عشان مشغول
ورايا طلقة هحضنها
بدل ما تطول
جسد أهلى
فهفطر فوق مع الخالق
دى لمة فـ جنة بين شهدا
بميت دنيا
فكون سارق
دفى البسمة من الأطفال
أنا السورى
سحورى فى لمة مش بتطول
لاحنا جنب طبق الفول
يا نستنى ندا الجامع
يا موت لينا يكون جامع
ولما بيضرب المدفع عشان نفطر
نخاف ليكون ضرب فينا
ونتبعتر
نكون أشلاء
وكل ده ليه؟
عشان قلنا يا حرية
طب اسمعنى
واطلع دم من زورى
أنا السورى